davam.az - BÜTÖV AZƏRBAYCAN ADINA! > Çap səhifəsi > İran rejiminin məmurları Abbas Lisaninin ailəsinin şəxsi maşınını yandırıblar

Güney azərbaycanlıların İranın Rusiyanın işğalçı Ermənistan rejiminə göndərdiyi silahların bu ölkənin ərazisindən daşınmasına icazə verməsinə qarşı keçirdikləri etiraz eyləmlərindən sonra Tehran rejiminin milli- mədəni fəallar və onların ailə üzvlərinə qarşı təzyiqləri artıb.

İran rejiminin məsulları milli fəalların məlumat almasına əngəl olmaq və onlara qarşı təzyiqləri artırmaq üçün Ərdəbil zindanında telefonu kəsiblər. Abbas Lisani də sentyabrın 28-dən etibarən ailəsi ilə 1 dəfə olsa belə, telefon əlaqəsi yarada bilməyib.

Abbas Lisani 2019-cu ilin yanvar ayının 15-də Təbrizdə qatıldığı məhkəmə iclasından çıxanda sonra İran rejiminin təhlükəsizlik qüvvələri tərəfindən həbs edilmiş və Ərdəbil həbsxanasına aparılmışdı.

Qeyd edək ki, İran Ali Məhkəməsi Ərdəbil Apelyasiya Məhkəməsinin Abbas Lisaniyə qarşı çıxardığı qərarı təsdiq edərək qüvvədə saxlayıb. Hazırda Ərdəbil zindanının 7-ci korpusunda saxlanılan Abbas Lisani 15 il həbs və 2 il sürgün cəzasına məhkum edilib.