davam.az - BÜTÖV AZƏRBAYCAN ADINA! > Çap səhifəsi > Azərbaycan ərazisində noyabr ayına olan hava proqnozu açıqlanıb

Noyabr ayında Azərbaycan ərazisində havanın orta aylıq temperaturunun iqlim normasına yaxın olacağı, yağıntıların respublika ərazisində qeyri-bərabər paylanacağı gözlənilir.

Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin verdiyi məlumata görə, aylıq yağıntının miqdarının iqlim normasına yaxın, bəzi yerlərdə isə normadan bir qədər çox olacağı ehtimal olunur.

Bakı və Abşeron yarımadasında orta aylıq temperaturun 10-13 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 4-9 dərəcə, gündüzlər 12-17 dərəcə isti təşkil edəcək, ayrı-ayrı günlərdə temperatur 20 dərəcəyədək yüksələcək, ayın sonunda 7-12 dərəcəyədək enəcək. Aylıq yağıntının miqdarının iqlim normasına yaxın (norma 28-38 mm), bəzi yerlərdə isə bir qədər çox olacağı gözlənilir.

Naxçıvan Muxtar Respublikasında orta aylıq temperatur 6-9 dərəcə isti olacaq ki, bu da iqlim normasına yaxındır. Gecələr havanın temperaturu 2-7 dərəcə isti, ayrı-ayrı günlərdə 0-5 dərəcə şaxta təşkil edəcək. Gündüzlər 10-15 dərəcə isti olacaq, ayrı-ayrı günlərdə temperatur 17-19 dərəcəyədək yüksələcək, ayın sonunda 6-9 dərəcəyədək enəcək. Aylıq yağıntının miqdarının iqlim normasına yaxın (norma 18-28 mm), bəzi yerlərdə isə normadan bir qədər çox olacağı gözlənilir.

Yuxarı Qarabağ - Xankəndi, Şuşa, Xocalı, Xocavənd, Qubadlı, Zəngilan, Laçın,
Kəlbəcər, Daşkəsən-Gədəbəy zonalarında orta aylıq temperaturun 4-7 dərəcə isti olacağı gözlənilir ki, bu da iqlim normasına yaxındır. Gecələr 1 dərəcə şaxtadan 4 dərəcəyədək isti olacaq, ayrı-ayrı günlərdə temperatur mənfi 3-8 dərəcəyədək enəcək. Gündüzlər havanın temperaturu 5-10 dərəcə isti təşkil edəcək, ayrı-ayrı günlərdə temperatur 12-14 dərəcəyədək yüksələcək, ayın sonunda 1 dərəcə şaxtadan 3 dərəcəyədək isti təşkil edəcək. Aylıq yağıntının miqdarının iqlim normasına yaxın (norma 27-34 mm), bəzi yerlərdə isə bir qədər çox olacağı gözlənilir.

Qazax-Gəncə, Goranboy, Tərtər, Ağdam-Ağcabədi-Füzuli-Cəbrayıl zonalarında orta aylıq temperaturun 7-9 dərəcə isti olacaq ki, bu da iqlim normasına yaxındır. Gecələr temperatur 5-10 dərəcə, ayrı-ayrı günlərdə 0-3 dərəcə şaxta təşkil edəcək. Gündüzlər temperatur 10-15 dərəcə isti olacaq, ayrı-ayrı günlərdə 17-19 dərəcəyədək yüksələcək, ayın sonunda 4-9 dərəcəyədək enəcək. Aylıq yağıntının miqdarının iqlim normasına yaxın (norma 15-24 mm) olacağı gözlənilir.

Balakən-Zaqatala- Qax-Şəki-Oğuz-Qəbələ, İsmayıllı- Şamaxı-Xızı, Siyəzən, Şabran, Quba-Qusar-Xaçmaz zonalarında orta aylıq temperaturun 5-9 dərəcə isti olacaq ki, bu da iqlim normasına yaxındır. Gecələr 1-5 dərəcə isti olacaq, ayrı-ayrı günlərdə temperatur 5-8 dərəcəyədək enəcək. Gündüzlər 7-12 dərəcə isti təşkil edəcək, ayrı-ayrı günlərdə temperatur 14-16 dərəcəyədək yüksələcək, ayın sonunda 3-7 dərəcə isti təşkil edəcək. Aylıq yağıntının miqdarı iqlim normasına yaxın (norma 29-73 mm), bəzi yerlərdə isə normadan bir qədər çox olacaq.

Mərkəzi-Aran - Ağdaş, Mingəçevir, Yevlax, Kürdəmir, İmişli, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonlarında orta aylıq temperaturun 9-12 dərəcə isti olacağı gözlənilir ki, bu da iqlim normasına yaxındır. Gecələr havanın temperaturu 5-10 dərəcə, ayrı-ayrı günlərdə 0-3 dərəcə isti olacaq. Gündüzlər temperatur 12-17 dərəcə isti olacaq, ayrı-ayrı günlərdə 20 dərəcəyədək yüksələcək, ayın sonunda 9-12 dərəcə isti təşkil edəcək. Aylıq yağıntının miqdarı iqlim normasına yaxın (norma 25-45 mm), bəzi yerlərdə normadan bir qədər çox olacaq.

Masallı-Lənkəran-Astara, Lerik-Yardımlı zonasında orta aylıq temperaturun 7-12 dərəcə isti olacağı gözlənilir ki, bu da iqlim normasına yaxındır. Gecələr 4-8 dərəcə isti, ayrı-ayrı günlərdə dağlarda 0-5 dərəcə şaxta gözlənilir. Gündüzlər 12-17 dərəcə isti olacaq, ayrı-ayrı günlərdə temperatur 20 dərəcəyədək yüksələcək, ayın sonunda 7-11 dərəcə isti təşkil edəcək. Aylıq yağıntının miqdarının iqlim normasına yaxın (norma 77-170 mm), bəzi yerlərdə isə normadan bir qədər çox olacağı gözlənilir.