davam.az - BÜTÖV AZƏRBAYCAN ADINA! > Gündəm, Hüquq > Bacısını qəsdən öldürməkdə təqsirləndirilən şəxslə bağlı cinayət işi məhkəməyə göndərilib
Bacısını qəsdən öldürməkdə təqsirləndirilən şəxslə bağlı cinayət işi məhkəməyə göndərilib |
|
Avqustun 31-də saat 21 radələrində Şabran rayonu ərazisində Musayıbova Leyla Oktay qızının öldürülməsi faktı üzrə Cinayət Məcəlləsinin 120.1-ci (qəsdən adam öldürmə) maddəsi ilə rayon prokurorluğunda cinayət işi başlanaraq istintaq aparılıb.
Şabran Rayon Prokurorluğunun daxil olan məlumatında bildirilib ki, istintaqla zərərçəkmişin qardaşı Abdulov Elşən Oktay oğlunun şəxsi münasibətlər zəminində aralarında yaranmış mübahisə zamanı Leyla Musayıbovanı Samur-Abşeron su kanalının üzərindəki körpüdən suya ataraq qəsdən öldürməsinə əsaslı şübhələr müəyyənləşdirildiyindən o, Cinayət Məcəlləsinin həmin maddəsi ilə təqsirləndirilən şəxs qismində cəlb olunub və barəsində məhkəmənin qərarı ilə həbs qətimkan tədbiri seçilib. Cinayət işi üzrə müvafiq ekspertizalar təyin edilib, hadisə yerinə baxış keçirilib, şahidlər dindirilib və digər zəruri prosessual hərəkətlər yerinə yetirilib. Hazırda cinayət işi üzrə istintaq yekunlaşdırılaraq, baxılması üçün aidiyyəti üzrə Bakı Ağır Cinayətlər Məhkəməsinə göndərilib. Geri dön |