davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Ərdəbildə “Azərbaycan türkcəsinin izahlı lüğəti”nin I cildinin təqdimatı olub
Ərdəbildə “Azərbaycan türkcəsinin izahlı lüğəti”nin I cildinin təqdimatı olub |
|
"Amerikanın Səsi"nin verdiyi xəbərə görə, tədbirdə güneyli alimlərlə yanaşı, Azərbaycandan AMEA-nın Nəsimi adına Dilçilik İnstitutunun direktoru, akademik Möhsün Nağısoylu, Türkiyədən Əli Qafqasyalı, Seyfəddin Altaylı və digərləri iştirak edib.
Akademik Möhsün Nağısoylu mərasimdə lüğətin əhəmiyyətindən danışaraq, onun imkanları, söz və ifadələri haqqında məlumat verib. İclasda bildirilib ki, lüğət müəllifləri kənd-kənd, oba-oba gəzərək sözügedən əsəri ərsəyə gətirib. AMEA-nın Nəsimi adına Dilçilik İnstitutunun direktoru, akademik Möhsün Nağısoylu Amerikanın Səsinə müsahibəsində bildirib ki, lüğətin birinci cildi `a` hərfi ilə başlanan sözləri əhatə edir. Kitab İranda çap olunub və İran Azərbaycanında işlənilən sözləri əhatə edir. Orada sözlərin izahı fars əlifbası ilə verilib. “Lüğət azı 10 cilddən ibarət olacaq. Böyük bir işdir. Lüğət Cənubi Azərbaycanda işlənən sözləri əhatə edir. Müəlliflər Cənubi Azərbaycanda kənd-kənd, oba-oba gəzib sözləri toplayıb.” Akademik bildirib ki, belə bir lüğətin Azərbaycan Respublikasında da çapına ehtiyac var və yeni lüğət azərbaycanlıların yaşadığı bütün əraziləri əhatə etməlidir. “Azərbaycan Respublikasında çap olunan lüğət kasaddır. Cəmi dörd cilddən ibarətdir, 40-45 min sözü əhatə edir. Halbuki, bizim dilimizdə 200 mindən çox söz işlənilir,” o qeyd edib. Nağısoylunun özünün müəllifi olduğu Azərbaycanca-Farsca lüğət 65 min sözü əhatə edir. Xatırladaq ki, Əhəd Byütənin rəhbərliyi altında böyük bir heyət tərəfindən tərtib olunnan kitabıntəqdimatı bundan öncə fevralın 20-də Təbriz şəhərində keçirilmişdir. Təqdimatda tanınmış dilçi və alim Dr.Hüseyin Məhəmmədzadə Sədiq, Dr.Behruz Bəy Babayi, Dr. Mehdi Mirzə Rəsulzadə və Azərbaycan Respublikası, Türkiyədən bir neçə alimin iştirakı ilə alimin iştirakı ilə baş tutmuşdur. Geri dön |