davam.az - BÜTÖV AZƏRBAYCAN ADINA! > Çap səhifəsi > Mini-futbol üzrə Yevlax şəhər birinciliyinin qalibi məlum olub

Yevlaxda ulu öndər Heydər Əliyevin anadan olmasının 98-ci ildönümü münasibətilə gənclər arasında mini-futbol üzrə şəhər birinciliyi keçirilib.

Yevlax Şəhər İcra Hakimiyyəti, Yeni Azərbaycan Partiyası rayon Təşkilatı və Gənclər və İdman İdarəsinin birgə təşkilatçılığı ilə keçirilən yarışda idarə, müəssisə və təşkilatların gənclərdən ibarət komandaları iştirak ediblər.

YAP Yevlax rayon Təşkilatının Aparat rəhbəri Rafiq Əliyev, Gənclər və İdman İdarəsinin rəisi Binyamin Musayev yarışın açılış mərasimində çıxış edərək ümummilli lider Heydər Əliyevin həyat və fəaliyyətindən, gənclərə və idmana göstərdiyi diqqət və qayğıdan danışıb, komandalara uğurlar arzulayıblar. Sonra yarış başlayıb.

YAP Yevlax rayon Təşkilatının komandası gənclər arasında keçirilən mini-futbol üzrə şəhər birinciliyinin qalibi olaraq yarışın kubokunu qazanıb.