davam.az - BÜTÖV AZƏRBAYCAN ADINA! > Xəbərlər, Hərb > Xaçmazda şəhidlərin xatirəsi anılıb
Xaçmazda şəhidlərin xatirəsi anılıb |
|
Xaçmaz rayonunun Aşağıoba və Aslanoba kəndlərində şəhidlərin xatirəsi anılıb.
Rayon rəhbərliyi kəndlərdə şəhid ailələri ilə birlikdə Birinci Qarabağ döyüşlərində və Vətən müharibəsində şəhid olan hərbçilərin məzarlarını ziyarət edib, şəhidlərin xatirəsini əbədiləşdirilməsi üçün yerli icma tərəfindən tikilən bulaq kompleksi ilə tanış olublar. Xaçmaz Rayon İcra Hakimiyyətinin başçısı Elnur Rzayev bildirib ki, ölkəmizin ərazi bütövlüyü uğrunda gedən döyüşlərdə şəhid olan qəhrəman oğulların xatirəsi daima yaddaşlarda qalacaq. Məhz onların göstərdiyi şücaət nəticəsində uzun illərdir işğalda olan torpaqlarımız azad olunub. Ali Baş Komandan İlham Əliyevin rəhbərliyi ilə aparılan döyüşlərdə ordumuz bir daha dünyaya qüdrətini sübut etdi. Ölkə başçısının və Birinci vitse-prezident Mehriban xanım Əliyevanın tapşırıqlarına uyğun olaraq bütün dövlət qurumları və təşkilatlar tərəfindən Vətən müharibəsində şəhid olan hərbi qulluqçuların ailələrinə xüsusi diqqət və qayğı göstərilir, onların sosial problemlərinin həlli istiqamətində zəruri tədbirlər görülür. Geri dön |