davam.az - BÜTÖV AZƏRBAYCAN ADINA! > Xəbərlər, Mədəniyyət > Lütfi Zadə adına məntiq olimpiadasının final mərhələsi 27 mərkəzdə təşkil ediləcək
Lütfi Zadə adına məntiq olimpiadasının final mərhələsi 27 mərkəzdə təşkil ediləcək |
|
Mayın 26-da Lütfi Zadə adına məntiq olimpiadasının final mərhələsi keçiriləcək.
Təhsil Nazirliyindən bildirilib ki, olimpiadanın final mərhələsi mövcud pandemiya qaydalarına uyğun olaraq ölkə üzrə 27 mərkəzdə təşkil ediləcək. Bu mərhələdə 2954 şagird iştirak hüququ qazanıb. Qeyd edək ki, Lütfi Zadə adına məntiq olimpiadası Azərbaycan və rus bölmələri üzrə V sinif şagirdləri arasında təşkil olunur. Müsabiqənin keçirilməsində məqsəd görkəmli alim Lütfi Zadənin irsinin şagirdlər arasında təbliği, həmçinin şagirdlərin məntiqi biliklərinin inkişafına təkan vermək, yaradıcı istedad və fərqli düşünmə qabiliyyəti ilə fərqlənən şagirdləri aşkara çıxarmaq və onların həvəsləndirilməsindən ibarətdir. Geri dön |