davam.az - BÜTÖV AZƏRBAYCAN ADINA! > Çap səhifəsi > İran paytaxtında dövlət idarələri və məktəblər bağlanır

İranda hava çirkli olduğundan bu gün paytaxt Tehranda məktəblər, universitetlər, dövlət idarələri bağlı olacaq.
Tehranın qubernatoru yalnız xəstəxanalar və bankların açıq olacağını bildirib. Amma o, həm də paytaxt sakinlərindən ehtiyac olmadan evlərindən kənara çıxmamağı xahiş edib. Son bir neçə gündə xüsusilə avtomobillərin tüstüsü Tehran və başqa iri şəhərlərdə havanı kəskin çirkləndirib. İki dağın ortasında yerləşən Tehranda xüsusilə ağır şərait yaranıb. Adətən payız aylarında havanın çirkli olmasına görə ciddi sağlamlıq problemləri yarananda paytaxt rəsmiləri işi dayandırırlar.