davam.az - BÜTÖV AZƏRBAYCAN ADINA! > Xəbərlər, Sosial > Təhsil Nazirliyi: 3 azərbaycanlı gənc Rumıniyada təhsil imkanı qazanıb
Təhsil Nazirliyi: 3 azərbaycanlı gənc Rumıniyada təhsil imkanı qazanıb |
|
2021-2022-ci tədris ili üzrə Rumıniya ali təhsil müəssisələrində təhsil üçün keçirilmiş müsabiqə nəticəsində 3 Azərbaycan vətəndaşının namizədliyi müsbət qiymətləndirilib.
Bu barədə Təhsil Nazirliyindən məlumat verilib. Bildirilib ki, qalib namizədlər Rumıniyanın Buxarest İqtisadi Tədqiqatlar Universiteti, Buxarest Universiteti, Ployeşti Neft və Qaz Universitetində bakalavriat və magistratura səviyyələrində psixologiya, sosial elmlər, mədən, neft və qaz ixtisasları üzrə təhsil alacaqlar. Qeyd edək ki, təqaüd proqramının tələblərinə uyğun olaraq, tələbələr 1 il müddətində ödənişsiz rumın dili hazırlığına cəlb olunacaq. Bununla yanaşı, onların təhsil haqqı, yataqxana xərci, aylıq təqaüd və tibbi sığorta xərcləri Rumıniya tərəfindən, yol xərci isə Azərbaycan Respublikası Təhsil Nazirliyi tərəfindən qarşılanacaq. Geri dön |