davam.az - BÜTÖV AZƏRBAYCAN ADINA! > Güney Azərbaycan xəbərləri, İdman > Ərdəbilli və Urmulu gənc qızlar İranda qılıncoynatmada sırayla birinci və ikinci olublar
Ərdəbilli və Urmulu gənc qızlar İranda qılıncoynatmada sırayla birinci və ikinci olublar |
|
Güney Azərbaycandan olan Arzu Qaraquşi və Səkinə Nuri İranın gənc qadınlar arasında qılıncoynatma çempionatının gənc qadınlar finalında qarşılaşıblar. Ərdəbil vilayətinin Nir şəhərindən olan Arzu Qaraquşi final görüşündə Qərbi Azərbaycanlı Səkinə Nuri üzərində 15-12 hesabı ilə qələbə çalaraq çempionatın birincisi olub. Dekabrın 4-də başlayan Ölkənin Böyük Mükafatı adlı çempionat Tehranda keçirilib.
Güney Azərbaycanlı qadınların ölkə və beynəlxaq qılıncoynatma çempionatlarında güclü iştirakları olur. Onların bir çoxu, o cümlədən Ərdəbil vilayətindən Arzu Qaraquşi və Sonya Binəzir və Urmiyədən İlahə Qəhrəmani, Səkinə Nuri və Nigin Məklayi ölkədə qılıncoynatma üzrə yığmanın üzvləridirlər. Bu il iyun ayında Gürcüstanda keçirilən qılıncoynatma üzrə beynəlxalq turnirin fərqli növlərində, İlahə Qəhrəmani qızıl, Səkinə Nuri gümüş və Arzu Qaraquşi bürünc medallar qazanıblar. Geri dön |