davam.az - BÜTÖV AZƏRBAYCAN ADINA! > Çap səhifəsi > Biləsuvarda yol hərəkəti qaydalarını pozan sürücülər cərimələniblər

Biləsuvar Rayon Polis Şöbəsinin Dövlət Yol Polisi Bölməsinin əməkdaşları tərəfindən şəhər ərazisində hərəkətin intensiv olduğu küçə və prospektlərdə piyadaların və nəqliyyat vasitələrinin rahat, təhlükəsiz hərəkətinin təmin olunması istiqamətində nəzarət-profilaktik tədbirlər davam etdirilir.

Daxili İşlər Nazirliyinin mətbuat xidmətinin Lənkəran regional qrupundan verilən məlumata əsasən, növbəti reyd zamanı Biləsuvar şəhəri ərazisində nəqliyyat vasitələrinin və piyadaların sıx hərəkət etdiyi küçə və prospektlərdə kobud qayda pozuntularına yol verənlər, həmçinin təhlükəsizlik kəmərindən istifadə etməyən, işıq və səs cihazlarından istifadə qaydalarını pozan sürücülər aşkarlanaraq onlarla profilaktik söhbətlər aparılıb.

Yol hərəkəti qaydalarını pozan sürücülər barəsində qanunamüvafiq tədbirlər görülüb.