davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > İranda koronavirus dəhşəti: “Morqlar cənazə ilə doludur”-Baş prokuror
İranda koronavirus dəhşəti: “Morqlar cənazə ilə doludur”-Baş prokuror |
|
O xəstəxanalarda tibbi avadanlıqlar və preparatların çatışmadığını bildirib. Mehdi Şəmsabadi səhiyyə naziri Səid Nəməkinin yoluxucu xəstəliklə bağlı Sistan-Bəlucistanda yaşanan böhranla bağlı yayılan xəbərləri təkzib etməsinə də etiraz edib.
Səid Nəməki iyulun 9-da jurnalistlərə açıqlamasında Sistan-Bəlucistan xəstəxanalarında koronavirus xəstələri üçün boş yer qalmadığı ilə bağlı yayılan xəbərləri “şantaj” adlandıraraq rədd etmişdi. “Hazırda Sistan-Bəlucistan xəstəxanalarında 500-dən çox boş çatpayı var. Lakin bəzilərinin həyasızlıqla yaydığı şantaj xarakterli məlumatlarda əyalətdəki vəziyyəti ağır göstərməyə çalışırlar”-deyə Səid Nəməki bildirmişdi. Sistan-Bəlucistanın baş prokuroru Mehdi Şəmsabadi deyib ki, əgər səhiyyə naziri əyalətdəki real vəziyyəti yaxından öyrənmək istəyirsə öz inandığı adamlarını naməlum şəkildə Sistan-Bəlucistandakı xəstəxanalara göndərə, yerli əhalinin və xəstələrin dilindən mövcud ağır vəziyyətlə tanış ola bilər. “Sistan-Bəlucistandakı morqalar cənazələrlə doludur və artıq boş yer yoxdur. Bu bir reallıqdır və onu inkar etmək olmaz. Hazırda Sistan-Bəlucistan əyalətində koronavirusa yoluxanların 60 faizinin yaşı 30-dan 60-a qədərdir. Bu isə o deməkdir ki, gənclərin həyatı təhlükədədir. Elə buna görə də hesab edirəm ki, bu əyalətdə ümumi vaksinasiya işinə başlanılmalıdır”, -deyə Sistan-Bəlucistan əyalətinin baş prokuroru Mehdi Şəmsabadi bildirib. Geri dön |