davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > SEPAH Qərbi Azərbaycanda terrorçuları zərərsizləşdirdiyini iddia edib
SEPAH Qərbi Azərbaycanda terrorçuları zərərsizləşdirdiyini iddia edib |
|
Açıqlamada qarşıdurmanın Bukan bölgəsində baş verdiyi bildirilir.
Qeyd olunur ki, Bukan sərhəd bölgəsində təxribat törətmək və təhlükəsizliyə qarşı əməliyyat həyata keçirmək istəyən 3 nəfərlik silahlı qrupla atışma baş verib. Atışma nəticəsində silahlılardan ikisi öldürülüb, biri yaralanıb. Çoxlu sayda silah-sursatın ələ keçirildiyi iddia edilir. “Silahlı qrupa yardım etmək istəyən daha 3 nəfər həbs olunub”-deyə, bəyanatda qeyd olunur. Bundan öncə ötən həftə SEPAH eyni iddia ilə çıxış edərək ölkədə silahlı təxribat törətmək istəyən qrupu zərərsizləşdirdiyi barədə məlumat yaymışdı. Bununla yanaşı iyulun 24-ü səhər saatlarında SEPAH Qərbi Azərbaycan sərhədlərində külli miqdarda silah-sursat aşkarladığını bildirmiş, bunun ölkədə təxribat əməliyyatları keçirmək istəyən “quldur” və “əks inqilabçı” qruplara aid olduğunu iddia etmişdi. Qeyd edək ki, son günlər Xuzistandan başlayan “su üsyanı” və bunun başqa bölgələrə, o cümlədən Güney Azərbaycan, Tehran, Kirmanşah, İsfahan və başqa yerlərə yayılması ilə eyni vaxtda SEPAH-ın “silah-sursat” və “əks inqilabçı” qruplar aşkarlaması ilə bağlı iddialarının sayı da artıb. Bu, ölkədə baş qaldıran etiraz dalğalarının yatırılmasından qorxan rejimin hadisələri xarici ölkələrlə əlaqələndirmək, qanlı repressiyalara əsas yaratmaq cəhdləri ilə izah edilir. Geri dön |