davam.az - BÜTÖV AZƏRBAYCAN ADINA! > Xəbərlər, Sosial > Ombudsman dünya ictimaiyyətini Ermənistanın təxribatlardan çəkindirilməsi istiqamətində qəti tədbirlər görməyə çağırır
Ombudsman dünya ictimaiyyətini Ermənistanın təxribatlardan çəkindirilməsi istiqamətində qəti tədbirlər görməyə çağırır |
|
Təəssüflə bildiririk ki, Ermənistan sərhədyanı və işğaldan azad edilmiş ərazilərimiz ətrafında sistemli şəkildə hərbi təxribatlar törətməkdə davam edir.
Ombudsman Aparatından verilən məlumatda bildirilir ki, avqustun 16-sı saat 09:30-dan etibarən Ermənistan silahlı qüvvələrinin bölmələrinin Vedi rayonu Arazdəyən yaşayış məntəqəsində yerləşən mövqelərindən Naxçıvan Muxtar Respublikasının Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini avtomat və pulemyotlardan istifadə edərək atəşə tutmağa başlaması ciddi narahatlıq yaradır. Eyni zamanda qeyd edilib ki, Aparat beynəlxalq hüququn norma və prinsiplərinə, ötən il noyabrın 10-da imzalanmış üçtərəfli bəyanatın müddəalarına zidd olan, fundamental insan hüquqlarının pozulmasına yönəlmiş, sülhə təhdid olan bu kimi təxribatçı əməllərin törədilməsini kəskin şəkildə pisləyir. Dünya ictimaiyyətini, müvafiq beynəlxalq təşkilatları Ermənistanın bu əməllərdən çəkindirilməsi istiqamətində qəti tədbirlər görməyə çağırır. Geri dön |