davam.az - BÜTÖV AZƏRBAYCAN ADINA! > Çap səhifəsi > Sahibkarlar arasında mini futbol turniri keçiriləcək

Sahibkarlar arasında yeni əlaqələrin qurulması və əməkdaşlığın genişləndirilməsi, eləcə də sağlam həyat tərzinin təşviqi məqsədilə minifutbol turniri keçiriləcək.

Kiçik və Orta Biznesin İnkişafı Agentliyindən (KOBİA) bildirilib ki, qurumun və “Marsol” MMC-nin tərəfdaşlığı, “Qolat Sport Services”in təşkilatçılığı və “Modern Hospital”ın dəstəyi ilə təşkil olunan turnirdə müxtəlif sahibkarlıq subyektlərinin əməkdaşlarından ibarət komandalar iştirak edəcək. Sentyabrın 17-də minifutbol turnirinin püşkatma mərasimi keçirilib. KOBİA-nın İdarə Heyəti sədrinin müavini Samir Hümbətov, “Marsol” MMC-nin təsisçisi Tural Mustafayev və digər tərəfdaş qurumların nümayəndələrinin və sahibkarlıq subyektlərinin iştirakı ilə keçirilmiş tədbirdə turnir barədə məlumat verilib. Qeyd edilib ki, sentyabrın 26-da start götürəcək turnirdə 32 komanda yarışacaq. Turnirin qalibləri kubok, medal və digər mükafatlarla təltif olunacaq.