davam.az - BÜTÖV AZƏRBAYCAN ADINA! > Çap səhifəsi > Naftalanda şəhidlərin portretləri ailələrinə təqdim edilib

Vətən müharibəsi zamanı Azərbaycanın ərazi bütövlüyü uğrunda döyüşlərdə həlak olmuş əsgər və zabitlərimizə, qətlə yetirilən mülki vətəndaşlara və itkin düşmüş soydaşlarımıza ehtiram əlaməti olaraq Bakı şəhərində keçirilən yürüşdə istifadə edilən portretlər Prezident İlham Əliyevin tapşırığına əsasən ailələrinə təhvil verilir.

Naftalanda şəhər İcra Hakimiyyəti əməkdaşlarının iştirakı ilə Naftalandan olan mülki və hərbi şəhidlərin portretləri ailələrinə təhvil verilib. Şəhidlərin ailələri ilə keçirilən görüşdə xalqın birliyinin təcəssümü olan “Anım Günü” yürüşünün Vətən müharibəsi şəhidlərinin ruhuna böyük hörmət və ehtiram olduğu vurğulanıb.