davam.az - BÜTÖV AZƏRBAYCAN ADINA! > Gündəm, Sağlıq > Gürcüstanda koronavirusun “omikron” ştamı sürətlə yayılır
Gürcüstanda koronavirusun “omikron” ştamı sürətlə yayılır |
|
Gürcüstanda koronavirusun “omikron” ştamı sürətlə yayılmağa başlayıb.
Bu barədə Gürcüstanın Xəstəliklərə Nəzarət Milli Mərkəzinin rəhbəri Amiran Qamkrelidze məlumat verib. Mərkəzi rəhbəri deyib ki, yanvarın 5-də səhər saatlarına qədər ölkədə “omikron” ştamına yoluxanların ümumi sayı 159 olduğu halda axşam saatlarında artıq bu rəqəm 253-ə yüksəlib. Onun sözlərinə görə, ölkədə virus qarşısıalınmaz dərəcədə sürətlə yayılmağa başlayıb. “Omikron” ştamına yoluxanların 16 nəfəri 18 yaşadək olan uşaqlar və yeniyetmələrdir. “İnfeksiyanın yayım sürəti artdığı üçün yaxın iki həftə ərzində ölkədə “omikron” ştamına yoluxanların sayı da kəskin artacaq”, – deyə A.Qamkrelidze vurğulayıb. Mərkəz rəhbəri əhaliyə müraciətində daha az məclislər təşkil etməyə, qoruyucu vasitələrdən – tibbi maskalardan istifadəyə və vaksinasiya olunmağa çağırıb. Qeyd edək ki, Gürcüstanda “omikron” ştamına ilk yoluxma 2021-ci il dekabrın 20-də qeydə alınıb Geri dön |