davam.az - BÜTÖV AZƏRBAYCAN ADINA! > Çap səhifəsi > Dünya Azərbaycanlılarının Həmrəylik Günü Berndə qeyd edildi (FOTO)

Konsert proqramından sonra təşkil olunmuş ziyafətdə milli mətbəximizin təamları qonaqlara təqdim olunub
Azərbaycan Respublikasının İsveçrə Konfederasiyasındakı səfirliyi tərəfindən 31 dekabr – Dünya Azərbaycanlılarının Həmrəylik Günü və Yeni il münasibətilə Bern şəhərində tədbir təşkil olunub.

Azərbaycanın İsveçrədəki səfirliyindən ANS PRESS-ə verilən məlumata görə, tədbirdə İsveçrədə fəaliyyət göstərən Azərbaycan diasporunun üzvləri, bu ölkədə təhsil alan azərbaycanlı tələbələr, elmi fəaliyyət ilə məşğul olan ziyalılar və Azərbaycanla yaxın təmasda olan İsveçrə vətəndaşları iştirak ediblər.

Tədbirin giriş sözü ilə açan səfir Əkrəm Zeynallı Azərbaycanın ümummilli lideri Heydər Əliyev tərəfindən təməli qoyulmuş bu tarixin mahiyyəti və məqsədi ahqda danışmış, xarici ölkələrdə yaşayan soydaşlarımızın Azərbaycanı beynəlxalq ictimaiyyət arasında tanıdılması və təbliğ edilməsində müstəsna rolu, ölkə hökumətinin bu istiqamətdə Azərbaycan diasporuna verdiyi dəstək, habelə ölkəmizin son illərdə istər ölkə daxilində, istərsə də beynəlxalq aləmdə əldə etdiyi uğurlardan söhbə açıb.

İki hissəli tədbirinin birinci hissəsində Azərbaycan milli musiqi kompozisiyalarını ifa etmək üçün Bernə təşrif buyurmuş Azərbaycan Respublikasının xalq artisti Mənsum İbrahimovun rəhbərlik etdiyi “Qarabağ” musiqi qrupu tədbir iştirakçılarının qarşısında çıxış edib. Xalq artisti Mənsum İbrahimov, əməkdar artist Təyyar Bayramov və Heydər Əliyev Fondunun dəstəyi ilə keçirilmiş muğam müsabiqəsinin qalibi Səbinə Ərəblinin ifaları tədbirə qatılmış qonaqlar tərəfindən böyük maraqla qarşılanıb.

Konsert proqramından sonra səfirlik tərəfindən təşkil olunmuş ziyafətdə milli mətbəximizin təamları qonaqlara təqdim olunub.