davam.az - BÜTÖV AZƏRBAYCAN ADINA! > Çap səhifəsi > İsmayıllıda bitkiçilik və heyvandarlıq məhsullarının istehsalı artıb

İsmayıllı rayonunda 2021-ci ildə kənd təsərrüfatı məhsullarının istehsalı inişilki illə müqayisədə 6 milyon 822,3 min manat artaraq 118 milyon 259,8 min manata çatıb.

Rayon Statistika İdarəsindən verilən məlumatda bildirilir ki, ötən il aqrar sektordakı ümumi məhsul istehsalının 64 milyon 711,2 min manatı və ya 54,7 faizi bitkiçilik, 53 milyon 548,6 min manatı və ya 45,3 faizi heyvandarlıq sahələrinin payına düşür. 2020-ci illə müqayisədə 2021-ci ildə faktiki qiymətlərlə bitkiçilik məhsullarının istehsalı 8,2 faiz, heyvandarlıq məhsullarının istehsalı isə 3,7 faiz artıb.