davam.az - BÜTÖV AZƏRBAYCAN ADINA! > Çap səhifəsi > İtaliyada koronavirus qurbanlarının sayı 149 mini ötüb

İtaliyada son sutkada koronavirus qurbanlarının sayı 326 nəfər artaraq 149 min 97-yə çatıb.

Səhiyyə Nazirliyinin məlumatına görə, ötən 24 saat ərzində ölkədə 41 min 247 nəfər COVID-19 infeksiyasına yoluxub. Bu, keçən il dekabrın 27-dən bəri ən aşağı gündəlik yoluxma sayıdır. İtaliyada koronavirusa yoluxanların sayı isə ümumilikdə 11 milyon 663 min 338-ə yüksəlib. Reanimasiya şöbəsində olanların sayı 1423, aktiv COVID-19 xəstələrinin sayı 1 milyon 990 min 701 nəfərdir.

Keçən il dekabrın 27-dən etibarən aparılan vaksinasiya kampaniyası çərçivəsində bu günədək İtaliyada 130 milyon 750 min 812 doza peyvənd vurulub. Hər iki doza peyvənd qəbul edənlərin sayı isə 47 milyon 734 min 733 nəfərdir (peyvənd olunanların 12 yaşdan yuxarı əhaliyə nisbəti isə 88,38 faizdir).

Sentyabrın 20-dən etibarən xərçəng xəstələri və immuniteti zəif olan şəxslərə üçüncü doza peyvənd vurulur. İndiyədək 50 milyon 454 min 485 doza əlavə peyvənd tətbiq edilib.