davam.az - BÜTÖV AZƏRBAYCAN ADINA! > Xəbərlər, Sağlıq > Pekin Qış Olimpiadasında daha üç nəfərin koronavirusa yoluxduğu aşkarlanıb
Pekin Qış Olimpiadasında daha üç nəfərin koronavirusa yoluxduğu aşkarlanıb |
|
“Pekin-2022” Qış Olimpiya Oyunları heyəti arasında COVID-19 infeksiyasına yoluxma halları davam edir. Ötən sutka 69 min 904 nəfərdən PCR testi götürülüb. Onlardan 3 nəfərinin test cavabı pozitiv olub.
24-cü Qış Olimpiya Oyunlarının təşkilat komitəsinə istinadla xəbər verir ki, ötən sutka Olimpiadaya xaricdən 32 nəfər, o cümlədən 14 atlet və komanda rəsmisi Çinə gəlib. Aşkarlanan yoluxma halları da xaricdən gələnlər arasında qeydə alınıb. “Pekin-2022” Qış Olimpiya Oyunları ilə əlaqədar “qapalı sistem”in tətbiq olunmağa başladığı yanvarın 23-dən bəri 432 nəfərin, o cümlədən 183 idmançının test cavabı pozitiv olub. Yanvarın 23-dən bəri Olimpiya Oyunları üçün Çinə 13 min 524 nəfər gəlib. Həmin gündən indiyədək “Pekin-2022” ilə əlaqədar 1 milyon 384 min PCR (polimerazalı zəncir reaksiyası) analizi götürülüb. Qeyd edək ki, COVID-19 pandemiyasına təsadüf edən “Pekin-2022” Qış Olimpiya Oyunlarında epidemiya əleyhinə xüsusi qaydalar tətbiq olunur. Xaricdən gələn bütün heyət üzvləri hava limanından etibarən “qapalı sistem”ə düşür. Onlar “Olimpiya kəndi”, yarış məkanları və Olimpiya Oyunları üçün nəzərdə tutulan digər yerlərdən kənara çıxa bilməzlər. Bu qayda Olimpiya Oyunlarına cəlb olunan yerli heyətə də aiddir. Geri dön |