davam.az - BÜTÖV AZƏRBAYCAN ADINA! > Xəbərlər, Mədəniyyət > Avstriyalı rəssamın məşhur əsərinin NFT kimi satışı 3,2 milyon avro gəlir gətirib
Avstriyalı rəssamın məşhur əsərinin NFT kimi satışı 3,2 milyon avro gəlir gətirib |
|
Tanınmış Avstriya rəssamı Qustav Klimtin dünyaca məşhur “Öpüş“ tablosunun NFT texnologiyası əsasında hazırlanmış rəqəmsal buraxılışının satışından 3,2 milyon avro əldə olunub
Vyana şəhərində yerləşən “Belveder” muzeyi əsərin 10 min ədəd rəqəmsal unikatını satışa çıxarıb. Satışın ilk günü kodlaşdırılmış rəqəmsal unikatların 1730 ədədi satılıb. Bir ədədi 1850 avroya təklif olunan NFT-lərin hamısı satılacağı halda ümumi gəlir 18,5 milyon avroya yüksələcəkdir. Muzeydən bildirilib ki, məşhur əsərin NFT versiyasının satışı ilə muzey perseptual kainat hesab edilən Metaversum istiqamətində ilk addımını atıb. Qeyd edilməlidir ki, NFT (non-fungible token - əvəzlənə bilməyən nişanlar) rəqəmsal mühasibat sistemlərində (blokçeyn) saxlanılan məlumatların unikal və əvəzlənməsi mümkün olmayan vahidləridir. Rəqəmsal incəsənətdə, eləcə də iqtisadiyyatın bir çox sahələrində NFT-lərdən istifadə getdikcə artmaqdadır. Geri dön |