davam.az - BÜTÖV AZƏRBAYCAN ADINA! > Gündəm, Sosial > Gənclər Xocalı faciəsinin dünyada tanıdılması işində fəallıq göstərməlidirlər
Gənclər Xocalı faciəsinin dünyada tanıdılması işində fəallıq göstərməlidirlər |
|
Kürdəmir Regional Mədəniyyət İdarəsinin tabeliyində fəaliyyət göstərən Beyləqan rayon Heydər Əliyev Mərkəzinin və Gənclərin İnkişaf və Karyera Mərkəzinin Beyləqan nümayəndəliyinin birgə təşkilatçılığı ilə Xocalı soyqırımının 30-cu ildönümünə həsr olunmuş “Qan yaddaşımızdan silinməyəcək Xocalı soyqırımı" adlı elmi-praktik konfrans keçirilib.
Tarix müəllimlərinin, gənclərin və Mərkəzin əməkdaşlarının iştirak etdiyi tədbirdə əvvəlcə Xocalı faciəsi qurbanlarının və Vətənimizin ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Heydər Əliyev Mərkəzinin əməkdaşı Mədinə Rzayeva, Şəhid Ailələrinə “Qayğı” Cəmiyyətinin sədri Sabit Mehdiyev, tarix müəllimi Aygün İbrahimli çıxış edərək, 30 il əvvəl Xocalı şəhərində törədilən qırğının acı nəticələrindən, erməni silahlılarının törətdikləri qanlı cinayətlərdən, günahsız insanların başına gətirilən müsibətlərdən bəhs ediblər. Bildirib ki, 1992-ci il fevralın 26-sında Xocalıda dinc sakinlərə qarşı həyata keçirilən soyqırımı bəşər tarixində insanlıq əleyhinə ən qəddarlıqla törədilmiş cinayət kimi yazılıb. Bildirilib ki, dövlətimiz tərəfindən soyqırımın dünyada tanıdılması sahəsində mühüm addımlar atılır. Bu sahədə gənclər də fəal olmalı, Xocalı faciəsinin, Qarabağ həqiqətlərinin dünyada tanıdılmasında səfərbər olmalıdırlar. Tədbirin sonunda Xocalı soyqırımına həsr olunmuş film nümayiş etdirilib. Geri dön |