davam.az - BÜTÖV AZƏRBAYCAN ADINA! > Gündəm, İdman > Qazaxıstanlı idmançılar: Bakıda dünya yaş qrupları yarışlarında iştirak etməkdən çox məmnunuq
Qazaxıstanlı idmançılar: Bakıda dünya yaş qrupları yarışlarında iştirak etməkdən çox məmnunuq |
|
Bakıda Akrobatika Gimnastikası üzrə dünya yaş qrupları yarışlarında iştirak etməkdən çox məmnunuq.
Bu sözləri Bakıda keçirilən akrobatika gimnastikası üzrə dünya yaş qrupları yarışlarının qazaxıstanlı iştirakçıları Zaxar Bazileviç və Anton Qolubev mətbuat nümayəndələrinə açıqlamasında deyib. “Biz təsnifat mərhələsində çıxışımızdan razıyıq. Bakıda, Milli Gimnastika Arenası kimi gözəl zalda Akrobatika Gimnastikası üzrə Dünya Yaş Qrupları Yarışlarında iştirak etməkdən çox məmnunuq”, - deyə idmançılar bildiriblər. Qeyd edək ki, martın 3-dən 6-dək Bakıda Akrobatika Gimnastikası üzrə 12-ci Dünya Yaş Qrupları Yarışları keçiriləcək. Yarışda 24 ölkədən 438 gimnast iştirak edir. İdmançılar 12-18 və 13-19 yaş qrupları üzrə kişi cütlükləri, qadın cütlükləri, qarışıq cütlüklər, kişi qrupları, qadın qrupları, balans, temp və qarışıq hərəkətlər proqramında qüvvələrini sınayacaqlar. Yarışda Azərbaycanı 12-18 yaş kateqoriyasında Rəsul Seyidli, Rəvan Zeynallıdan ibarət kişi cütlüyü, Nəzrin Qasımova, Xanım Məmmədzadədən ibarət qadın cütlüyü, Milana Əliyeva, Nizam Xamidulindən ibarət qarışıq cütlük, Anahita Bashiri, Zəhra Rəşidova, Nəzrin Zeyniyevadan ibarət qadın qrupu və 13-19 yaş kateqoriyasında Leyla Bəşirova, Nəzrin Fərmanova, Mənsumə Məmmədzadədən ibarət qadın qrupu təmsil edəcək. Geri dön |