davam.az - BÜTÖV AZƏRBAYCAN ADINA! > Gündəm, Sosial > Şahbuz Mədəniyyət Sarayında Novruz şənliyi keçirilib
Şahbuz Mədəniyyət Sarayında Novruz şənliyi keçirilib |
|
Muxtar respublikada bayram günlərində Novruz şənlikləri davam etdirilir. Bu çərçivədə Şahbuz Şəhər Mədəniyyət Sarayında rayonun Mədəniyyət və Təhsil şöbələrinin birgə təşkilatçılığı ilə “Bahar gəlir, xoş gəlir!” adlı bayram şənliyi keçirilib.
Tədbirin aparıcıları ümummilli lider Heydər Əliyevin Novruz bayramı haqqında dediyi “Novruz hər bir azərbaycanlının qəlbinin bayramıdır. Hər bir insanın, ailənin bayramıdır... Novruz dostluq, mehribanlıq, mərhəmət, mədəniyyət bayramıdır, xalqımızın qəhrəmanlığını, rəşadətini, şücaətini nümayiş etdirən bayramdır”, - fikirlərini səsləndirib, tədbir iştirakçılarını bayram münasibətilə təbrik ediblər. Vurğulanıb ki, Prezident, Müzəffər Ali Baş Komandan İlham Əliyevin və qəhrəman Ordumuzun sayəsində Azərbaycan xalqı artıq ikinci ildir Novruz bayramını qalib xalq kimi qürur hissi ilə qeyd edir. Tədbirdə el ağsaqqalı Dədə Qorqudun gəlişi və Bahar qızının çıxışı tədbirə rəng qatıb. Tədbirdə yüz illərdən bəri formalaşan Novruz ənənəsini əks etdirən səhnələr, yallı nümunələri nümayiş etdirilib, məktəblilər tərəfindən milli musiqilər ifa edilib, aşıq havaları iştirakçılara xoş ovqat bəxş edib. Geri dön |