davam.az - BÜTÖV AZƏRBAYCAN ADINA! > Gündəm, İdman > Ər-Riyad “Ekspo-2030” dünya sərgisinə ev sahibliyi etmək üçün namizədliyini irəli sürüb
Ər-Riyad “Ekspo-2030” dünya sərgisinə ev sahibliyi etmək üçün namizədliyini irəli sürüb |
|
Səudiyyə Ərəbistanının paytaxtı Ər-Riyad “Ekspo-2030” dünya sərgisinə ev sahibliyi etmək üçün namizədliyini irəli sürüb.
SPA agentliyinə istinadla xəbər verir ki, bu barədə Krallığın rəsmiləri “Dubay ekspo-2020” sərgisində Səudiyyə Ərəbistanı pavilyonuna mükafatın təqdimatı mərasimində bəyanatla çıxış ediblər. Onlar bildiriblər ki, Səudiyyə Ərəbistanının vəliəhd şahzadəsi Məhəmməd bin Salmanın imzası ilə sərginin təşkilat komitəsinə müvafiq məktub təqdim olunub. Ər-Riyad şəhəri üzrə Kral Komissiyasının icraçı direktoru Fəhd al-Raşid bildirib ki, “Dubay ekspo-2020” sərgisində Səudiyyə Ərəbistanının paytaxtının ziyarətçilərə tanıdılması istiqamətində geniş fəaliyyət proqramı həyata keçirilib. O, əlavə edib ki, şəhər rəhbərliyi 2030-cu ilədək sərgiyə ev sahibliyi etmək istiqamətində böyük plan hazırlayıb. Bu plana dünyanın ən nəhəng ictimai nəqliyyat sistemi, ən geniş parklarından biri, ən geniş incəsənət qalereyasının yaradılması daxildir. Beləliklə, “Ekspo-2030” sərgisinə ev sahibliyi üçün namizədlərin sayı beşə çatıb. Səudiyyə Ərəbistanı ilə yanaşı, Cənubi Koreya, İtaliya, Ukrayna və Rusiya da namizədlər siyahısında yer alır. Geri dön |