davam.az - BÜTÖV AZƏRBAYCAN ADINA! > Xəbərlər, Hərb > Bakıda “Əsgər ölümünə son” şüarı altında aksiya başlayıb
Bakıda “Əsgər ölümünə son” şüarı altında aksiya başlayıb |
|
Azərbaycan Ordusunun əsgəri Ceyhun Qubadovun müəmmalı ölümü ilə əlaqədar bir qrup gəncin sosial şəbəkələr vasitəsilə Bakının Fəvvarələr meydanına təyin etdiyi aksiya başlayıb.
Aksiyaya hərbi xidmət zamanı dünyasını dəyişən bir qrup gəncin valideynləri start verib. Onlar əllərində övladlarının şəkilləri meydana daxil olaraq övladlarının ölümündə günahkar olanların tapılmasını tələb ediblər: “Dinc dövrdə, atəşkəs dövründə övladlarımız düşmən gülləsi ilə ölməyib. Biz onların ölümünün günahkarlarının tapılıb cəzalandırılmasını tələb edirik”. Aksiya iştirakçılarının əllərində Azərbaycan və Türkiyənin bayraqları tutublar. Onlar “Şəhidlər ölməz, Vətən bölünməz!”, “Əsgərlərimiz ölməsin, ordu morqa dönməsi!”, “Əsgər ölümünə son!” şüarlarını səsləndirirlər. Polis aksiyaya müdaxilə etmir. Geri dön |