davam.az - BÜTÖV AZƏRBAYCAN ADINA! > Güney Azərbaycan xəbərləri, Güney Azərbaycan-Təbriz > Amerikanın Milli Təhlükəsizlik Şurası İrana güzəşt edilməsi barədə xəbərləri rədd edib
Amerikanın Milli Təhlükəsizlik Şurası İrana güzəşt edilməsi barədə xəbərləri rədd edib |
|
Qurum Beynəlxalq Atom Enerjisi Agentliyinin təhqiqatlarının başa çatması və İranda fəaliyyət göstərən Qərb şirkətlərinə qarşı sanksiyalardan azad edilməsi üçün nüvə danışıqlarının canlandırılması prosesində İran tərəfindən tələb olunan təminatların verilməsi ilə bağlı Bayden administrasiyasının razılığı ilə bağlı xəbərləri rədd edib.
"Biz heç vaxt belə şərtləri qəbul etmirik. Biz düzgün işləyən razılaşmadan heç vaxt çıxmazdıq. İndiyədək İranın nüvə proqramının sürətlə genişlənməsinin şahidi olmuşuqq"-deyə, Amerika Milli Təhlükəsizlik Şurası özünün tvitter səhifəsində yazıb. Başqa tərəfdən, Amerika Dövlət Departamentinin sözçüsü Ned Prays Bayden administrasiyasının İrana güzəştlərə razılıq verməsi ilə bağlı yayılan xəbərlərlə bağlı sualı cavablandırıb. O, nüvə danışıqlarının canlandırılması prosesini şərh etməkdən imtina edib və bu məlumatları rədd edərk cavabın Ağ Evin Milli Təhlükəsizlik Şurasının tvitində qeyd edildiyini deyib. Avqustun 18-də respublikaçı senator Cim Beard Tvitter hesabında nüvə danışıqlarının dirçəldilməsi ilə əlaqədar İran hökumətinin Bayden hökumətindən Beynəlxalq Atom Enerjisi Agentliyinin təhqiqatının başa çatması, İranda fəaliyyət göstərən Qərb şirkətlərinin sanksiyalardan azad edilməsi və Tehranın nüvə proqramının sürətləndirilməsinə icazə kimi zəmanətlər istədiyini yazıb. İranın dövlət mediası da Vaşinqtonun 17 banka qarşı sanksiyaların ləğvi və xarici şirkətlərin sanksiyalardan azad edilməsi də daxil olmaqla, İrana bəzi güzəştlər etməyə razılaşdığı barədə iddialar dərc edib. Geri dön |