davam.az - BÜTÖV AZƏRBAYCAN ADINA! > Çap səhifəsi > Diaspor fəalları Niderlandda nəyi müzakirə ediblər

Azərbaycan Türk Kültür dərnəyində Rusiya Azərbaycanlıları Milli Mədəni Muxtariyyəti Federasiyasının vitse prezidentləri Hacıyev Tahir və Ağayev Qaliblə görüş keçirilib.

İlk öncə onu qeyd edək ki, sözü gedən şəxslər Avropanın bir neçə ölkəsinə işgüzar səfər ediblər. Belə ki, onlar ilk öncə Yunanıstan, İtaliya, Fransada olmuşlar. Niderlanddan sonra isə, Belçika, Almaniya və Polşaya səfərləri gözlənilir. Niderlandda onları Avropada Azərbaycanlılarının Dostları Cəmiyyətinin sədri Elman Mustafazadə qarşılamış, daha sonra Azərbaycan Türk Kültür Dərnəyinin başqanı İlhan Aşqın da daxil olmaqla, Den Haaqda bu dərnəyin təşəbbüsü ilə Xocalı soyqrımına ucaldılmış abidəni ziyarət etmişlər. Bundan sonra isə dərnəyin ofisində diaspor nümayəndələri ilə görüş keçrilib. Görüşdə eləcədə Niderlandda yaşayan həmyerlimiz, jurnalist Vüqar Abbasov da iştirak edib. Vüqar bəydən görüş barədə fikirlərini belə bildirdi: “Mən görüşə Elman Mustafazadə tərəfindən dəvət olundum və bu dəvəti qəbul etdim. Görüşdə qonaqlar Rusiya Federasiyasında gördükləri işlərdən danışdılar. Avropaya gəlməkdə isə məqsədlərinin dünyada, o cümlədən Avropada diasporumuzun fəaliyyəti ilə maraqlanmaq və birgə əməkdaşlıq olduğunu qeyd etdilər. Onlar Azərbaycanın heç bir daxili işinə qarışmadıqlarını və yalnız xaricdə olan diaspor təşkilatları ilə əlaqələrin qurulmasında maraqlı olduqlarını vurğuladılar. Tədbir iştirakçılarının hər biri bu barədə öz düşüncələrini bildirdilər. Şəxsən mənə, Vüqar Abbasova gəlincə, bir daha qeyd etmək istəyirəm ki, görüşdə də bildirdim ki, mən yalnız bir jurnalist olaraq bu tədbirə qatılmışam və jurnalist olaraq da ayrıldım. Orda da bildirdim və burdan bir daha bəyan edirəm ki, mən heç bir təşkilatda deyiləm və yaxın zamanlarda olmaq fikrim də yoxdur. Əgər nə vaxtsa bir təşkilatda olacamsa, bu təşkilat mənim öz yaradacağım təşkilat ola bilər, heç kimə və heç bir təşkilata bağlı olmayan, tam müstəqil bir təşkilat. Əgər bir jurnalistin işi yazı yazmadırsa, vaxt edən kimi bu görüş barədə öz düşüncələrimi ətraflı yazacam. İndilikdə isə, Niderlanda gələn qonaqlara, həmyerlilərimizə, öz addımdan başarılar arzu edirəm. Ümid edirəm ki, məqsədləri, özlərinin də qeyd etdiyi kimi, millətimizə təmənnasız xidmətdir və hər bir xoş niyyət də yaxşı nəticələr verər.

Tədbirdə çıxış edən İlhan Aşkın da diaspor təkilatlarının əlaqəli fəaliyyətinə tərəfdar olduğunu və məqsədləri Azərbaycanının dövlətçiliyinə xidmət etmək olan hər bir şəxs əməkdaşlıqda heç problemin olmadığını qeyd etdi.

Elnur Eltürk