davam.az - BÜTÖV AZƏRBAYCAN ADINA! > Hərb > Hərbi qulluqçularımız beynəlxalq təlimdə peşəkarlıq nümayiş etdirirlər
Hərbi qulluqçularımız beynəlxalq təlimdə peşəkarlıq nümayiş etdirirlər |
|
Türkiyə Respublikasının Qars şəhərində Əlahiddə Ümumqoşun Ordunun hərbi qulluqçularının iştirakı ilə keçirilən “Qış təlimi - 2023” beynəlxalq təlimi davam edir.
Müdafiə Nazirliyinin mətbuat xidmətindən bildirilib ki, Azərbaycanla yanaşı təlimdə iştirak edən digər 17 ölkənin hərbi qulluqçuları sərt iqlim və çətin relyef şəraitində müxtəlif epizodlar üzrə tapşırıqları yerinə yetirirlər. Beynəlxalq təlimdə əsas diqqət qoşunların qarşılıqlı əlaqədə fəaliyyətləri zamanı döyüş uzlaşmasının təmin edilməsinə, təcrübə mübadiləsi və peşəkarlığın artırılmasına, şəxsi heyətin silahlanmaya qəbul edilmiş müasir silah və texnikadan səmərəli istifadə etmə üzrə bacarıqlarının daha da təkmilləşdirilməsinə yönəldilib. Qeyd edək ki, Əlahiddə Ümumqoşun Ordunun hərbi qulluqçuları beynəlxalq təlimdə ölkəmizi layiqincə təmsil edirlər. Geri dön |