davam.az - BÜTÖV AZƏRBAYCAN ADINA! > Çap səhifəsi > Gürcüstanın Baş naziri ilə Türkiyə Prezidenti arasında telefon danışığı olub

Gürcüstanın Baş naziri İrakli Qaribaşvili Türkiyə Prezidenti Rəcəb Tayyib Ərdoğana zəng edib.

Gürcüstan Hökumət Administrasiyasının bununla bağlı məlumatında İrakli Qaribaşvilinin Türkiyədə seçkilərin uğurla keçirilməsi, səsvermənin birinci turunun nəticələri və parlament seçkilərində hakim Ədalət və İnkişaf Partiyasının səslərin çoxunun qazanması münasibətilə Rəcəb Tayyib Ərdoğanı təbrik etdiyi bildirilib.

Baş nazir İrakli Qaribaşvili iki ölkə arasında strateji tərəfdaşlığın möhkəmlənməsində, regionun davamlı və sabit inkişafında, eləcə də beynəlxalq miqyaslı layihələrin həyata keçirilməsində Türkiyə Prezidentinin rolunu xüsusi vurğulayıb.

Gürcüstanın Baş naziri seçkilərin ikinci turunda da Rəcəb Tayyib Ərdoğana uğurlar arzulayıb.

Xətayi Əzizov