davam.az - BÜTÖV AZƏRBAYCAN ADINA! > İqtisadiyyat > “Yay mövsümündə Avropanın müxtəlif şəhərləri ilə birbaşa uçuşların sayının artırılması gözlənilir”
“Yay mövsümündə Avropanın müxtəlif şəhərləri ilə birbaşa uçuşların sayının artırılması gözlənilir” |
|
Yay mövsümü Azərbaycanda turizmin ən aktiv dövrü hesab edilir ki, bu da daha çox turistik səfər deməkdir. Bu baxımdan qarşıdakı mövsüm özündə ölkəmizdə turizmin bərpası istiqamətində mühüm imkanları ehtiva edir. Bununla belə gəlmə statistikasında daha ciddi fərqlə nəticələrə nail olmaq üçün ənənəvi və yeni bazarlarda təbliğat işini gücləndirmək, ölkəmizə birbaşa uçuşların sayının artırılması, ümumən ölkənin daha əlçatan olması kimi amillərin önəmi qeyd olunmalıdır.
Bu barədə Dövlət Turizm Agentliyindən bildirilib. “Yay mövsümündə Avropa bazarı üzrə müvafiq təbliğat işləri davam etdiriləcək. Bu baxımdan Avropanın müxtəlif şəhərləri ilə birbaşa uçuşların sayının artırılmasını qeyd edə bilərik. May ayından “Wizzair” hava yolları şirkətinin həftədə iki dəfə olmaqla Roma-Bakı birbaşa reysinə, “AirBaltic” aviaşirkətinin yay aylarında həftədə iki dəfə olmaqla Riqa-Bakı istiqamətində start verməsi, eləcə də “Azərbaycan Hava yolları” tərəfindən bir sıra Avropa şəhərlərinə əlavə olaraq həftədə iki dəfə Vyana, Barselona və Parisə birbaşa uçuşlara başlanması Avropa ölkələri ilə turist mübadiləsinə öz töhfəsini verəcək və Azərbaycanı avropalı səyahətçilər üçün daha əlçatan edəcək”. Geri dön |