Deprecated: preg_replace(): The /e modifier is deprecated, use preg_replace_callback instead in /home/davam/public_html/engine/modules/show.full.php on line 292 davam.az - BÜTÖV AZƏRBAYCAN ADINA! > Çap səhifəsi > Yeni GAMOH başqanı Lətif Həsəni və mərkəzi şura üzvü həbs olundu.
davam.az - BÜTÖV AZƏRBAYCAN ADINA! > Güney Azərbaycan xəbərləri > Yeni GAMOH başqanı Lətif Həsəni və mərkəzi şura üzvü həbs olundu.

Yeni GAMOH başqanı Lətif Həsəni və mərkəzi şura üzvü həbs olundu.


İranda daha bir tanınmış azərbaycanlı fəal həbs olunub. İran İnformasiya, Təhlükəsizlik və Kəşfiyyat Nazirliyinin (ETTELAAT) Kərəc şöbəsinin əməkdaşları doktor Lətif Həsənini fevralın 6-da yerli vaxtla saat 12:00-da tutublar.

Qeyd edək ki, azərbaycanlı fəal 2010-cu il mayın 24-də həbs olunub. ETTELAAT-ın Kərəc şöbəsinin əməkdaşları Lətif Həsənini mənzilindən aparıblar. Azərbaycanlı fəalın mənzilində axtarış aparıb, ona məxsus kompüter, CD-lər, Azərbaycan dilindəki kitablar, əlyazmalar və bir sıra şəxsi əşyalar müsadirə edilib. Lətif Həsəni 270 gün ETTELAAT-ın təcridxanasında və Təbriz həbsxanasında saxlanıldıqdan sonra 220 min ABŞ dolları mülk girovu qoymaqla azadlığa çıxıb. Azərbaycanlı fəal GAMOH-un Mərkəzi Komitəsinin üzvü olmaqda, dövlət quruluşuna qarşı təbliğat aparmaqda ittiham olunub. Lətif Həsəni bir neçə il əvvəl Bəzz qalasına yürüş zamanı da tutulub. Azərbaycanlı fəal Güney Azərbaycan Milli Oyanış Hərəkatının (GAMOH) Mərkəzi Komitəsinin keçmiş üzvü, hazırda isə Yeni GAMOH təşkilatının sədridir.

Yeni GAMOH başqanı Lətif Həsəni ilə birlikdə, mərkəzi komitə üzvü Şəhram Radmehr də həbs olunub. Və artıq bu həbs ilə Yeni GAMOH rəhbərliyindən tutulanların sayı 4-ə çatıb. Bir neçə gün öncə Mahmud Fəzli və Yürüş Mehrəlibəyli də həbs olunmuşdu. Bugünə kimi onların taleyindən heç bir xəbər yoxdur.
Geri dön