davam.az - BÜTÖV AZƏRBAYCAN ADINA! > Gündəm > Müdafiə Nazirliyi iki gün ərzində üç əsgərin ölümünün səbəblərini araşdırır
Müdafiə Nazirliyi iki gün ərzində üç əsgərin ölümünün səbəblərini araşdırır |
|
Müdafiə Nazirliyi iki gün ərzində ölən üç əsgərin ölümünün səbəblərini araşdırır. Bunu Müdafiə Nazirliyinin mətbuat xidmətinin rəis müavini, kapitan Teymur Abdullayev deyib. Onun sözlərinə görə, hazırda əsgərlərin ölüm faktları ilə bağlı araşdırma aparılır və ekspertizanın rəyi məlum olduqdan sonra ictimaiyyət məlumatlandırılacaq.
Qeyd edək ki, iki gün ərzində Azərbaycan Milli Ordusunun üç əsgəri Ruslan Şəhriyar oğlu Kərimov və Röyal Rüstəm oğlu Ağayev və Azər Akif oğlu Abbaszadə xəstəlikdən dünyasını dəyişiblər. Gəncədə yerləşən "N" saylı hərbi hissəsinin əsgəri, 18 yaşlı Ruslan Kərimov xəstəlikdən dünyasını dəyişib. R.Kərimov bu ilin oktyabrında Göyçay rayon Hərbi Komissarlığından həqiqi hərbi xidmətə çağırılıb. Cəbhə bölgəsindəki hərbi hissədə xidmət edən 19 yaşlı Ağayev Röyal hospitala aparılarkən yolda keçinib. Ağayev ötən ilin iyulunda Şabran rayon Hərbi Komissarlığından hərbi xidmətə çağırılıb. Biləsuvar Rayon Hərbi Komissarlığından həqiqi hərbi xidmətə çağırılan Milli Ordunun əsgəri, 1993-cü il təvəllüdlü Azər Akif oğlu Abbaszadə də xəstəlikdən dünyasını dəyişib. Əsgər kəskin krupoz pnevmoniya və daxili orqanlara qansızmadan vəfat edib. Geri dön |