davam.az - BÜTÖV AZƏRBAYCAN ADINA! > Gündəm > Dağlıq ərazilərində 4-9 dərəcə şaxta olacaq
Dağlıq ərazilərində 4-9 dərəcə şaxta olacaq |
|
Bakı və Abşeron yarımadasında noyabrın 3-də buludlu hava şəraitinin üstünlük təşkil edəcəyi, əsasən səhər və axşam bəzi yerlərdə az yağışlı olacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosunun baş hidroloqu Asif Verdiyevin verdiyi məlumata görə, cənub-şərq küləyi əsəcək, gecə 6-11 dərəcə, gündüz 12-17 dərəcə isti olacaq. Noyabrın 4-də havanın buludlu olacağı, əsasən gecə və səhər bəzi yerlərdə yağış yağacağı ehtimalı var. Cənub-şərq küləyi əsəcək. Havanın temperaturu gecə 6-11 dərəcə, gündüz 11-16 dərəcə isti olacaq. Azərbaycanın rayonlarında noyabrın 3-də hava gün ərzində əsasən yağmursuz keçəcək. Lakin səhər və axşam bəzi şərq rayonlarında az yağıntılı olacağı ehtimalı var. Səhər arabir duman olacaq, şərq küləyi əsəcək. Havanın temperaturu gecə 5-10 dərəcə, gündüz 13-18 dərəcə, dağlarda gecə 1 dərəcə şaxtadan 4 dərəcəyədək isti, gündüz 6-11 dərəcə isti olacağı gözlənilir. Yüksək dağlıq ərazilərdə havanın minimal temperaturu 4-9 dərəcə şaxta təşkil edəcək. Noyabrın 4-də əsasən axşam və gecə bəzi yerlərdə yağıntılı olacağı gözlənilir. Səhər ayrı-ayrı yerlərdə duman olacaq, şərq küləyi əsəcək. Havanın temperaturu gecə 4-9 dərəcə, gündüz 12-17 dərəcə, dağlarda gecə 2 dərəcə şaxtadan 3 dərəcəyədək isti, gündüz 4-9 dərəcə isti olacağı gözlənilir. Yüksək dağlıq ərazilərdə havanın minimal temperaturu 4-9 dərəcə şaxta təşkil edəcək. Geri dön |