davam.az - BÜTÖV AZƏRBAYCAN ADINA! > Xəbərlər, Gündəm > “Qarabağ” “Bayer”ə qarşı
“Qarabağ” “Bayer”ə qarşı |
|
Bu gün UEFA Avropa Liqasında 1/8 finalın ilk oyunları keçiriləcək.
Trend xəbər verir ki, bu mərhələyə qədər irəliləyən Azərbaycan təmsilçisi "Qarabağ" da 1/8 finalın ilk matçına çıxacaq. Ağdam klubu Bakıda güclü "Bayer"i qəbul edəcək. Tofiq Bəhramov adına Respublika stadionunda keçiriləcək oyun saat 21:45-də başlayacaq. Matçı Fransadan olan hakimlər briqadası idarə edəcək. Xatırladaq ki, "Bayer"lə "Qarabağ" Avropa Liqasının qrup mərhələsində də rəqib olublar. Komandaların Leverkuzendəki oyununda "Bayer" 5:1, Bakıdakı matçda isə 1:0 hesabı ilə "Qarabağ"a qalib gəlib. "Bayer" qrupdan lider, "Qarabağ" isə 2-ci yerin sahibi kimi çıxıb. Əlavə edək ki, komandalar arasında cavab matçı martın 14-də Almaniyada keçiriləcək. 7 mart UEFA Avropa Liqası 1/8 finalın ilk oyunu 21:45. "Qarabağ" (Azərbaycan) - "Bayer" (Almaniya) Hakimlər: Benoit Bastian, Hiçam Zakrani, Aurelien Bertomieu (Fransa) Bakı. Tofiq Bəhramov adına Respublika stadionu Geri dön |