davam.az - BÜTÖV AZƏRBAYCAN ADINA! > Türk dünyası-Turan > Türkiyə Prezidenti Yunanıstanı danışıqlarda səmimi olmağa çağırıb
Türkiyə Prezidenti Yunanıstanı danışıqlarda səmimi olmağa çağırıb |
|
Türkiyə Egey bölgəsində sülh və sabitliyin tərəfdarıdır. Uzun müddətdir davam edən problemlərin həllində qətiyyət və iradə nümayiş etdirmək vacibdir.
Bu sözləri Türkiyə Prezidenti Rəcəb Tayyib Ərdoğan Yunanıstanın Baş naziri Kiriakos Mitsotakisin Ankaraya səfəri ərəfəsində Yunanıstanın “Katimerini” nəşrinə müsahibəsində deyib. Türkiyə lideri Ankaranın dünyanın müxtəlif yerlərində mövcud olan fikir ayrılıqlarını və münaqişələri həll etmək səylərinə diqqət çəkib və Afinanı “Egey dənizinin hər iki tərəfində uzunmüddətli sülhü təmin etmək” üçün qəti addımlar atmağa çağırıb. “Problemlər yaratmaq və sonra məharətlə həll etməkdənsə, onları məhv etmək daha asandır. Dövlətlərarası münasibətlərdə qərəzlilik baryerinin aradan qaldırılması vacibdir. Lazım olan tək şey konkret hərəkətlərə diqqət yetirmək və səmimi tarixi addımlar atmaqdır”, - deyə Ərdoğan bildirib. Türkiyə Prezidenti 2020-ci ildən sonra Yunanıstanla gərginliyin azaldılması istiqamətində görülən işləri yüksək qiymətləndirib. Ərdoğan xatırladıb ki, Ankara Yunanıstanda baş verən irimiqyaslı meşə yanğınları zamanı qonşusuna yardım göstərib, Afina isə 2023-cü ildə episentri Kahramanmaraş əyalətində olan dağıdıcı zəlzələlər zonasına humanitar yardım və xilasedicilər göndərib. “Bu qarşılıqlı xoşməramlı jestlər ölkələrimiz arasında münasibətlərin yenidən yaxşılaşmasına öz töhfəsini verdi. Türkiyə Yunanıstanla yaxınlaşma istiqamətində növbəti addımlara hazırdır”, - deyə Türkiyə Prezidenti əmin edib. Ramin Abdullayev Geri dön |