davam.az - BÜTÖV AZƏRBAYCAN ADINA! > Hərb > Azərbaycan və Türkiyə hərbi nazirləri bəyannamə imzalayıblar
Azərbaycan və Türkiyə hərbi nazirləri bəyannamə imzalayıblar |
|
Türkiyədə rəsmi səfərdə olan Azərbaycanın müdafiə naziri general-polkovnik Səfər Əbiyevlə Türkiyənin milli müdafiə naziri İsmət Yılmaz arasında əvvəlcə təkbətək, sonra isə geniş tərkibdə görüş keçirilib.
Müdafiə Nazirliyinin mətbuat xidmətindən Davam.az-a bildirilib ki, görüş zamanı hərbi əməkdaşlıq məsələlərinin daha da inkişaf etdirilməsi istiqamətində faydalı müzakirələr aparılıb. Görüşün sonunda nazirlər niyyət bəyannaməsini imzalayıblar. Görüşdən öncə Səfər Əbiyevin rəhbərlik etdiyi nümayəndə heyəti əvvəlcə Türkiyə Cümhuriyyətinin qurucusu Mustafa Kamal Atatürkün Anıt qəbrini ziyarət ediblər, sonra Türkiyə Milli Müdafiə Nazirliyində rəsmi qarşılanma mərasimi keçirilib. Sonra Azərbaycan Respublikasının müdafiə naziri general-polkovnik Səfər Əbiyevin Türkiyə Silahlı Qüvvələrinin Baş Qərargah rəisi ordu generalı Nejdət Özəl və Quru Qoşunları komandanı ordu generalı Hayrı Kıvrıkoğlu ilə təkbətək görüşləri olub. Müdafiə naziri Səfər Əbiyevin rəhbərlik etdiyi nümayəndə heyətinin Türkiyədəki müdafiə sənayesi təmayüllü bir neçə şirkətdə də görüşləri olacaq. Sonda nazir Səfər Əbiyev Ankarada Heydər Əliyevin adını daşıyan parka gedəcək və mərhum dövlət başçısının abidəsi önünə əklil qoyacaq. Geri dön |