davam.az - BÜTÖV AZƏRBAYCAN ADINA! > Xəbərlər > İsrail və Böyük Britaniyanın İrana hücum planının təfərrüatları
İsrail və Böyük Britaniyanın İrana hücum planının təfərrüatları |
|
Bu günlərdə İsrail və Böyük Britaniya arasında İrana hücum palanının hazırlanması ilə bağlı gizli danışıqların aparıldığı haqda məlumatlar KİV-ə ötürülüb. İsrailin xəbər agentliklərinin verdiyi məlumata görə, ötən həftə Böyük Britaniya ordusunun Baş Qərargah rəisi, general Devid Riçards İsrailə, noyabrın 2-də isə bu ölkənin müdafiə naziri Ehud Barak Londona gizli səfər ediblər.
Dünən İsrailin “Maariv” nəşri İsraillə Böyük Britaniya arasında keçirilən gizli danışıqlar barəsində məqaləni manşetinə çıxarıb. The Guardian qəzetinin verdiyi məlumata görə, danışıqların əsas predmeti iki olkə arasında İrana qarşı hazırlanan hücum planının müzakirəsi olub. London qəzeti gizli görüşün keçirilməsinin əsas səbəbi kimi İnanın nüvə proqramı ilə bağlı yeni məlumatların alınmasını göstərib. Böyük Britaniyanın rəsmi mənbələrindən The Guardian-a verilən məlumatda deyilir ki, dünya ölkələrinin İrana qarşı tətbiq etdikləri sanksiyalara baxmayaraq Tehran nüvə proqramını daha da genişləndirib, İslam Respublikasının rəsmiləri isə bütün çıxışlarında sanki dünyaya meydan oxuyurlar. Britaniya kəşfiyyatının verdiyi məlumata görə, İran rəsmiləri qarşıdakı 12 ay ərzində vacib nüvə obyektlərini bombanın və raketin dağıda bilmədiyi yeraltı bunkerlərdə yerləşdirəcəklər. Bundan sonra heç bir üsulla İranın nüvə obyektlərinə çatmaq və yaxud onu məhv etmək mümkün olmayacaq. Belə nüvə obyektlərindən biri və ən əsası Fordo nüvə zavodu ola bilər. Geri dön |