davam.az - BÜTÖV AZƏRBAYCAN ADINA! > Çap səhifəsi > Ermənistan İran rejimi və hökuməti ilə özünü çox rahat hiss edir(Video faktlarla)

Mübahisəli nüvə proqramı üzündən Qərbin İranı təcrid etmək cəhdlərinə baxmayaraq, dənizə çıxışı olmayan qonşu Ermənistan beynəlxalq sanksiyaları pozmadan İranla əlaqələrini möhkəmləndirməyə çalışır.

Əhalisi xristianlardan ibarət olan Ermənistanda (Irəvan) yalnız bir məscid var . Bu tarixi Türk məscidi 15 il bundan əvvəl İran tərəfindən bərpa edilərək farslaşdırılıb.

Məscid fars dilində dərslər təklif edir və bu məscidə 15 ay bundan əvvəl president Serj Sarkisyanla görüşmək üçün Ermənistana səfər edən İran prezidenti Mahmud Əhmədinejad kimi yüksək vəzifəli şəxslər gəlir.

Qərb İranın nüvə proqramından nüvə silahı istehsal etmək üçün istifadə etdiyini deyərək, onu təcrid etməyə çalışır. Lakin İran bunu inkar edir. Eyni zamanda Qərbdən Türkiyə, şərqdən isə Azərbaycan tərəfindən blokadaya alınmış Ermənistan cənub qonşusu ilə ticarət əlaqələrini genişləndirməyə çalışır.

Regional Araşdırmalar Mərkəzinin direktoru, təhlilçi Riçard Giraqosyan: “Ermənistan İran rejimi və hökuməti ilə özünü rahat hiss edən yeganə qonşu ölkədir. Beləliklə Ermənistan İranla münasibətlərini gücləndirir. Ermənistanın nöqteyi-nəzərində İran və Ermənistan həm blokada baxımından, həm də sanksiyalar baxımından demək olar ki, eyni vəziyyətdədirlər.”

Ermənistanla İran arasındakı sərhəd cəmi 35 km təşkil edir ki, bu yol vasitəsi ilə iqtisadi baxımdan 50 dəfə Ermənistandan böyük olan İrandan yük maşınları keçir. Ermənistan çox çətin və çox zaman qorxulu olan bu marşruta alternativ axtarır.

İran üzrə təhlilçi Qoar İskəndəryan burada bir alternativin. Ermənistanın cənubundan dəmiryolunun çəkilməsi olduğunu deyir.

GOHAR ISKANDARYAN, SB
“Ermənistan maliyyə yadımı tapan kimi biz İrana dəmir yoku çəkilişinə başalayağıq və bu bizə Hind okeanına və İran körfəzinə çıxmamıza imkan yaradacaq.”

6 il bundan əvvəl Ermənistan sakinləri İrandan boru vasitəsi ilə gələn qazla təmin edilməyə başladı. İndi isə Ermənistan İranla sərhəddə neft kəməri və iki elektrik-stansiyası inşa etmək istəyir.

Lakin İskəndəryan deyir ki, İranın nüvə proqramına qarşı qoyulan sanksiyalar bu layihələrin maliyyələşdirilməsini dayandıra bilər.

GOHAR ISKANDARYAN, SB
“Bu təkcəErmənistanın seçimi deyil, bu həm də Birləşmiş Ştatlar və Rusiya kimi nəhəng dövlətlərin seçimidir.”

İran iqtisadiyyatına güclü zərbə vuran sanksiyalara və Ermənistanla ticarət əlaqələrinin kəsilməsinə baxmayaraq, Giraqosyan işıq gələn yerin olduğunu deyir.

RICHARD GIRAGOSIAN,
“Əslində İran hökuməti notebuklar da daxil edilməklə, bahalı əşyalara, eləcə də kosmetikaya və şokolad məmulatlarının idxalına qadağa qoyub. Bu da o deməkdir ki, Ermənistana gələn iranlı turistlər belə məmulatları Ermənistanda əldə edəcək, yəni qara bazara yol açacaq.”