davam.az - BÜTÖV AZƏRBAYCAN ADINA! > Gündəm > Lerik rayonunda güclü qasırğa olub
Lerik rayonunda güclü qasırğa olub |
|
Ötən gecə saat 20.30 radələrindən başlayaraq Azərbaycanın Lerik rayonunda güclü qasırğa olub.
APA-nın cənub bürosunun yerli sakinlərə istinadən verdiyi məlumata görə, güclü qarın vurduğu ziyanı hələ tam aradan qaldırmamış, qasırğa yeni fəsadlar törədib. Əhaliyə məxsus tikililərin dam örtüklərinin uçduğu, elektrik təsərrüfatının, rabitə xətlərinin yarasız vəziyyətə düşdüyü bildirilib. Hazırda rayon mərkəzi istisna olmaqla, bütün yaşayış məntəqələri işıqsız qalıb. Kəndlərlə də rabitə əlaqəsi kəsilib. Qasırğa qarı yollara səpdiyindən maşınların hərəkəti məhdudlaşıb. Lerik Rayon Hidrometeoroloji Stansiyasından bildirilib ki, qasırğa rayonun ucqar Rvarud, Kələxan, Kəlvəz və digər kəndlərində daha güclü olub. Rayonun Şivlə kənd sakinləri APA-ya bildiriblər ki, əriyən qar suları dağətəyi torpaq sahələrində əkilmiş taxıl zəmilərini yuyub aparır. Geri dön |