davam.az - BÜTÖV AZƏRBAYCAN ADINA! > Gündəm, Mədəniyyət > Azərbaycan 54-cü beynəlxalq yaz sərgisi və qida festivalında təmsil olundu
Azərbaycan 54-cü beynəlxalq yaz sərgisi və qida festivalında təmsil olundu |
|
Böyük Britaniya səfirliyinin dəstəyi ilə Azərbaycan Londonda 54-cü beynəlxalq yaz sərgisi və qida festivalında təmsil olunmuşdur. Festivalda 100-dən artıq ölkənin Britaniyada akkreditə olunmuş diplomatik nümayəndəliklərinin, xarici dövlətlərin səfirliklərinin, beynəlxalq təşkilatların təmsilçiləri iştirak etmişlər. İştirakçı ölkələr milli mətbəxlərindən nümunələri, mədəniyyətlərini və tarixlərini əks etdirən suvenirləri sərgiləmişlər.
Azərbaycan üçün ayrılan stenddə xalça, kəlağayı, xurcun, ölkəmizin milli mədəniyyətini, tarixini və adət ənənələrini əks etdirən digər suvenirlər nümayiş etdirilmişdir. Xeyriyyə tədbiri şahzadə Aleksandranın himayəsi altında Birləşmiş Krallığın Beynəlxalq Uşaqları Qoruma və Ailələri Birləşdirmə Xeyriyyə Cəmiyyəti (CFAB) tərəfindən təşkil olunmuşdur. Gün ərzində əldə olunan xeyli məbləğdə vəsait səfirliyimiz tərəfindən təşkilatçılara ödənilmişdir. Xeyriyyə tədbirindən əldə olunan vəsait boşanma nəticəsində ailə üzvlərindən ayrılan, miqrasiya, sığınacaq, insan alveri, eləcədə bu və ya digər səbəbdən müdafiəyə ehtiyacı olan şəxslərə kömək məqsədi ilə istifadə ediləcəkdir. Geri dön |