Qarşıda isti və günəşli günlərlə bol olan yay mövsümü gəlir. Həyatımızı və qəlbizimi isidən günəşli saatlar, insan orqanizminə həddən artıq nüfuz etməklə sağlamlığa təhlükə törədə bilər.
Havaların isti və dəniz suyunun yüksək hərarəti ilə keçən yay günlərində insanlar dincəlmək və Günəş vannası qəbul etmək üçün çimərliklərə üz tuturlar. Belə isti günlərdə insan sağlamlığı üçün doğru miqdarda Günəş şüalarının qəbul edilməsi əsas şərtdir.
Günəş şüalarının insan orqanizminə təsiri həmişə müzakirə mövzusu olmuşdur. Bütün dünyada, o cümlədən, Azərbaycanda müşahidə edilən 40° C və daha kəskin istilər insanları sağlamlıqlarına daha ehtiyatla yanaşmağa səsləyir. Əbədi enerji mənbəyinin əks təsiri artıq gündəmdədir, belə ki, Günəşin ziyanlı şüalarından müdafiə edən azon qatı getdikcə kiçilərək insanları Günəş işığının ziyanlı təsirindən lazımınca qoruya bilmir.