Tərtər rayonunun Suqovuşan kəndi Murovdağ silsiləsinin ətəyində, Tərtərçayın sahilində yerləşir. 1976-cı ildə istismara verilən və Tərtərçay, Turaqaçay çaylarından daxil olan suların hesabına formalaşan su anbarı Suqovuşanın təbiətinə xüsusi gözəllik qatıb. Kəndin saf dağ iqlimi, gözəl təbiət mənzərələri, Tərtərçayın kənarında yerləşməsi, tarixi abidələri, su anbarı gələcəkdə Suqovuşanın turizm məkanı kimi şöhrət tapacağına zəmin yaradır.