Suriya bölgədə və dünyada terrorizmi dəstəkləyənlərlə mübarizə aparmaqda, bununla yanaşı, ölkədəki böhranın siyasi yolla həllini tapmaqda qərarlıdır.
"Anadolu" agentliyi məlumat verir ki, bu barədə Suriya Prezidenti Bəşşar Əsəd paytaxt Dəməşqdə Tunisin bir sıra siyasi partiya nümayəndələri ilə görüşündə bildirib.
Əsəd suriyalıların Tunis xalqının mövqeyini bəyəndiyini qeyd edib: "Eyni zamanda, suriyalılar bəzi aldadılmış tunislilərin Suriyaya döyüşməyə gəldiyini bilir".
Qeyd edək ki, bir müddət əvvəl Tunisin xarici işlər naziri Osman Carandi təqribən 800 tunislinin Suriya rejiminə qarşı döyüşdüyünü bildirmişdi.