Dairəvi məşq ürək-damar fitnesi və müqavimət məşqlərini birləşdirən proqramdır. İlk dəfə 1950-ci ildə ümumi məşq təlimlərini inkişaf etdirmək üsulu kimi təklif olunmuşdur. 30-90 saniyəlik fasilələrlə edilən hərəkətlər müxtəlif əzələ qruplarını dəyişərək dairə formasında (məşqin adı da buradan götürülmüşdür) qurulurdu.

Dairəvi məşq zamanı müxtəlif növ hərəkətlər və alətlər tətbiq oluna bilər. İstifadə edilən alətlər sırasına çox da baha olmayan ip, qantel, tibbi toplar və çəki məşq alətləri adiddir. Dairəvi hərəkətlər iştirakçıların hədəfi və məşqdən əvvəlki vəziyyətlərindən asılı olaraq ən azı 6, ən çox isə 15 hərəkətdən ibarət ola bilər.