İyunun əvvəlində Bakıda «İpək Yolu və Avropa ölkələri arasında investisiya mühitinin inkişafı» mövzusunda beynəlxalq biznes konfransı keçiriləcək. Tədbirin əsas təşkilatçısı qismində Latviyanın ən iri özəl kommersiya bankı olan «Rietumu Banka» çıxış edir.

Artıq 20 ölkədən 250-dən artıq nümayəndə Bakıdakı forumda iştirak edəcəyini rəsmən təsdiqləyib. Bunların arasında Böyük Britaniya, İsveçrə, Avstriya, Qazaxıstan, Gürcüstan, BƏƏ, həmçinin Baltika ölkələri və s. dövlətlər var.

Tədbirdə aparılacaq müzakirələr əsasən investisiyalar, biznesin idarə olunması, daşınmaz əmlak bazarı, beynəlxalq sahibkarlıq fəaliyyətinin problemləri və s. aktual məsələlərə həsr olunacaq.