Təbriz Şəhər Bələdiyyəsinin mədəniyyət və incəsənət şöbəsinin rəhbəri Seyid Rza Ələvi açıqlama verib. Onun sözlərinə görə, festivalın keçirilməsində məqsəd yerli mədəniyyəti inkişaf etdirmək, yad mədəniyyətlərin hücumlarından qorumaq və sairdir: “Festival qrup, solo və sazda olmaq üç növ ifa üzrə keçiriləcək. Tədbirdə iştirak etmək üçün maksimum yaş həddi 40-dır. Festival yalnız İranın Şərqi və Qərbi Azərbaycan, Ərdəbil və Zəncan vilayətlərini əhatə edəcək. Musiqi qrupları qopuz, balaban, dohol, qaval və qoşa nağarada ifa edəcəklər. İştirakçılar əsərlərini iyulun 16-dək festivalın Təbrizdəki təşkilat komitəsinə göndərməlidirlər”.