Bugün Bakıda Azərbaycan-Qazaxıstan biznes forumu keçiriləcək. Tədbir Atırau şəhərinin meri Serik Aydarbekovun başçılıq etdiyi nümayəndə heyətinin Azərbaycana səfəri çərçivəsində baş tutacaq.

Biznes-forumda Atırau vilayətinin qida sənayesi, kənd təsərrüfatı, səhiyyə, gəmiçilik, energetika, yüngül sənaye və digər sektorlarda çalışan iş adamları iştirak edəcək.

Forum Azərbaycan İqtisadi İnkişaf Nazirliyinin və Azərbaycanda İxracın və İnvestisiyaların Təşviqi Fondunun (Azpromo) dəstəyi ilə keçirilir.