Türkiyədə sinir sistemini dağıdan qazdan - zarindan istifadə etməklə terror törətməyi planlaşdıran 12 suriyalı saxlanılıb. Türkiyə KİV-ləri xəbər verir ki, saxlanılmış şəxslər "Əl-Qaidə" ilə əlaqəsi olan terror təşkilatının üzvləridir.
Məlumata görə, onlar Türkiyə-Suriya sərhədlərindən 100 kilometr aralıda yerləşən Adana şəhərində saxlanılıblar. Onlardan 2 kiloqram zarin və odlu silah götürülüb.
Şəhər polisi bildirib ki, həbslə bağlı onlarda məlumat yoxdur. Şəhər administrasiyası isə şərh vermir.